بطاقه انترنت توماس كوك فيزا كارد و ماستر كارد

بطاقة توماس كوك فيزا انترنت كارد

توماس كوك اصلا هى شركة سياحة تعاقدت مع بنك CIB لاصدار الكارت عشان تسهل على الناس خدمة تحويل الاموال

وده خدم ناس كتير من اللى شغالين فى مجال العمل الحر freelancers واللى شغالين فى مجال البورصة وكمان الناس اللى بتسافر للسياحة بيحتاجو كارت يسحبو منه من اى مكان وبيحتاجو يعملوا عمليات ايداع وسحب واهم حاجه يكون الكارت بيتعامل مع الباى بال paypal

ليه ؟

لانك بتربط الفيزا بحسابك اللى بتعمله على الباى بال

تمام السؤال المهم بقى

ما هى افضل فيزا او ماستر كارد للتعامل مع paypal ؟

فى مصر عندك حل من اتنين

1- توماس كوك ب 20 جنيه بتستلمها وانت واقف وتستخدمها فى نفس اليوم

2- كريدى اجريكول ب 60 جنيه نفس الكلام بتستلمها وانت واقف وممكن تستخدمها نفس اليوم

ايهما افضل ؟

توماس كوك

ليه هى مش شغالة دلوقتى ؟ وهيشتغل امتى ؟

كان رد خدمة العملاء على السؤال ده

- هما دلوقتى بيعملوا شكل جديد للكارت هيبقى موحد عشان كده هما متوقفين حاليا

- وانها هتشتغل اخر شهر مايو 2015

وهيكون متوفر فى فروع توماس كوك وبنك CIB

معلومات مهمه لازم تعرفها :

ما الفرق بين prepaid card -credit card -debit card ؟

كلها بتكون من نوع فيزا او ماستر كارد

-prepaid card : لازم يكون فيها رصيد عشان تعرف تستخدمها مش بتشترط انك يكون عندك حساب بنكى وبتستخدم على الانترنت فقط

-debit card : لازم يكون فيها رصيد عشان تعرف تستخدمها لازم يكون عندك حساب فى البنك وممكن تستخدمها على الانترنت او اى مكان

-credit card : مش شرط يكون فيها رصيد عشان تستخدمها عشان كده لازم تكون عميل موثوق عشان البنك يوفقلك عليها مثلا ممكن يبقى بضمان مرتبك ولازم يكون عندك حساب فى البنك وممكن تستخدمها على الانترنت او اى مكان تانى.

-عندك على الكارت رقم الفيزا وده بتدخله فى حسابك على paypal

-عندك كمان 3 ارقام على الكارت من فوق هيطلبه منك باى بال

-وطبعا الرقم السرى اللى بتستخدمه على الماكينة ATM لازم تعرف انك مش هتستخدمه ابدا على النت

- لازم حسابك على ال gmail يكون نفس الاسم اللى عملت بيه الفيزا عشان كده يفضل انك تعمل حساب ال gmail فى الاول

عشان تتأكد ان الاسم اللى هتختاره متاح